الرسام وحيد نجيب قصة علي حساب مين٢

 

                             ( الحلقة الثانية )

تبدأ الحلقة بسرير كبيرنسبيا في غرفة نوم مودرن بسيطة ؛ وتجلس علي جانبها نانسي أخت نعيم ؛ وهي تبدو في الثامنة عشر من العمر وملامحها أكثر جمالا ورقة وجسدها ممشوق ومعتدل وترتدي ملابس منزلية وفي يدها هاتفها الأندرويد وهي في إستغراق تام مع الهاتف ؛ وترد علي طارق الباب وهي تقول:

نانسي/ أدخل…

نعيم/ خدي ماما بعتالك النسكافيه ده…

نانسي/ طيب حطه هنا علي الكميديونو أو المكتب بتاعي يانعيم….

نعيم/ يعني كمان مش فاضية تاخدي مني النسكافيه ، مش كفاية أني أنا جيبهولك لحد عندك وماما قالتلي معلش وديهولها علشان مشغولة…

نانسي/ آه مشغولة جدا جدا..جدا

نعيم/ ياترا ممكن أعرف مشغولة في إيه؛ ولا هيكون تطفل مني..

نانسي/ لأ ياسيدي مش تطفل ولا حاجة ؛ أصلي أنا بكتب في ورش الكتابة علي حاجة شخصية بصراحة لقيت الأسلوب ده جيد جدا؛ لأنه بيخليني أطلع كل إلي جوايا في الكتابة….

نعيم/ فعلا دي حاجة بجد صحية ولما مارسناها شعرنا فعلا أنها ممتازة أننا نكتب كل حاجة سواء بالتعبير عن مواقف معينة أو فتح موضوع للنقاش والتعليقات عليه بكل حرية ، بجد بيخليكي تطلعي كل إلي جواكي….

نانسي/ فعلا أسلوب صحي لأن الكبت إلي ممكن نعانيه من الظروف الصعبة إلي بنمر بيها فعلا ممكن تكون نتيجته سيئة للغاية وممكن توصل للانتحار أو الجرائم أو ضغوط نفسية وعصبية سيئة للغاية ممكن توصل لأمراض يصعب علاجها،

نعيم/ حقيقي نسبة كبيرة جدا من الانتحار والجرائم كان سببها هو الظروب الصعبة والكبت والقهر ومنع التعبير عنها؛ ولد ذلك نتيجة سيئة….

نانسي/ آه كمان لما بتشارك إلي جواك مع ناس محترمة بينتموا لنفس ثقافتك وميولك وتلاقي تجاوب معاك أو تشارك لحظات أو أي شىء خاص بيك وتلاقي تجاوب معاك ده فعلا بيكون أثره إيجابي إجتماعي للمشاركة في الظروف والمشاعر ..

نعيم/ فعلا وعلشان كدا أنا كمان بحب دايما أشارك في المناقشات بالجروب والتعليقات وورش الكتابة علشان فعلا تأثيرها النفسي كبير جدا وكمان بتكون ذكري منشورة لمشاعر معينة أو رأي معين، وكل واحد بيقول رأيه فبيكون فعلا مشاركة مجتمعية مبنية علي أساس تجمع علي حسب الثقافات والميول والفكر والاهتمامات وده إحترام وانفاذ لحقوقنا الأصيلة؛ وكمان لما بنشارك في المناسبات أكيد بنعكس روح و شخصية كل واحد وأكيد بيكون لصالح المناسبة فعلا ؛ حالة صحية ممتازة وتأثيرها مهم جدا وفعلا شكرا كل منصات التواصل والنشر عبر الإنترنت.