الرسام وحيد نجيب قصة مع النفس ٢
( الفصل الثاني )
سراج/ إيه ياعادل معرفتش بردو أختك شادية مالها…
عادل/ ياجماعة بجد الموضوع غريب جدا، شادية أختي أتحولت مليون في المية ؛ شادية إلي كانت دايما مرحة ونشيطة ودايما تضحك وسعيدة في عز ماكنت عندي مشاكل ، كنت بستمد الحيوية والسعادة منها ومن ضحكتها وكلامها، كانت دايما تضحك وسعيدة ودايما مبهورة بجمالها ، تدور علي أحدث قصات الشعر أو ألوان الشعر أو المكياج أو الملابس ؛ وتكون سعيدة وهي بتشاركني وتسألني ..ده أحلي..ولا ده…
فارس/ والله أنا أختي عزة دايما كانت تقولي شادية دي جميلة المدرسة في زمن الدراسة ، وكانت دايما هي الإبتسامة للفصل، وكل الفصل بيحبها، أنا مش راضي أقولها علي كلامك عليها؛ علشان ميحصلشي تاتش ولا مشكلة بينكم بس، بس لو عايز أكلم عزة علشان تيجي زيارة وتتكلم معاها وكدا عادي يعني…..
نيرمين/ دي كانت كمان دايما بتتكلم معانا في شات الجروب والدردشة الخاثة بينا؛ ودايما تدخل مع أي حد في مداخلات وتلاقي كلمة ههههههه وصوتها وهي بتضحك مالي الشات، دلوقتي بجد أحنا مفتقدين ضحكتها الجميلة وروحها الحلوة ،
عادل / الموضوع عدي شهر وهي علي نفس الحالة ، دايما قاعدة لوحدها في غرفتها وقافلة الباب ولو بتعمل حاجة مثلا خاصة ، أو مشروع أو بتمارس مهارات مثلا وعايزة متشتتشي تفكيرها غير في إلي بتعمله كان عادي، لكن أنا كل ما أدخل وأعمل حجة أي حاجة علشان أحاول أخليها تتكلم آلاقيها بتبكي وحزينة جدا جدا ، ومش مشغلة حتي أغاني ولا موسيقي ذي عادتها ولا بتعمل حاجة مهمة علشان أقول مشغولة بشيء وهي صح، وأخدت أجازة مفتوحة وقالت لماما أنخبطت في دهري ومحتاجة وقت علشان أستعيد صحتي ذي ماكانت، ووشها ذبل ومبقتش بتهتم بنفسها أبدا ذي الأول، فعلا أنا خايف عليها أوي بس مش عارف أعمل إيه كل لما أفتح معاها أي موضوع تقولي معلش أنا تعبانة دلوقتي ومحتاجة أرتاح شوية …
سند/ والله لو مكنتش عارف شادية أختك كويس وبثق فيها أكثر من نفسي لكنت قولت مشت في سكة المدمنين إلي شغالين دلوقتي ؛ ولا بتشرب مخدرات ههههههههههه…
عادل/ ياعم إدمان إيه، ده حتي الأكل مش بتاكل إلا يادوب ربع رغيف ومعلقتين وتفضل تكح وتبكي وترجع ؛ أنا خايف علي أختي أوي أوي ياجماعة ، ومش عارف أعمل إيه…..
( كان هذا هو حوار الأصدقاء وأخوشادية عادل والذي يعمل عبر الإنترنت وهو أصغر منها وخريج تجارة ، فأخذ لحياته خط العمل الخاص المستقل ، وبدأ بمشروعات صغيرة من المنزل وشراء المنتجات بسعر الجملة أيضا وتسويقها ثم حاليا أصبح كاتب مقالات ومدون ويحقق دخل من مشهدات منشوراته عبر الإنترنت وعضو في جروب مرتبط ببعض يجمع الجميع.
قصة بجد مهمة جدا وفيها أحداث وحوار فعلا غاية في الأهمية والجمال وهي منشورة كاملة في الجروب الخاص وبنستفيد فعلا من هذا الإبداع للعظيم الرسام وحيد نجيب.
ReplyDelete