الرسام وحيد نجيب قصة بديل الوقت ٢

 

أحمد/ هاي وحيد

وحيد/ هاي أحمد، عامل إيه يا أحمد 

أحمد/ بصراحة ، أصلي أتعودت أتكلم معاك بصراحة جدا؛ حاسس بملل كبير أوي بالرغم أني بذهب المدرسة وبقابل أصحابي وبنتكلم ؛ وبالرغم من أنهم عرضوا علي أني ألعب معاهم كثير ؛ لكني فعلا مش حابب ده ومش بحب التواجد في الأماكن العامة بكثرة..

وحيد/ عارف يا أحمد الإنسان بيعيش وقت محدد ؛ لو مكنشي يقدر يترك بصمة مش ممكن يكون له ذكري أو أثر، أنت في حياتك بتقابل ناس كثيرة جدا ؛ معارف وأصدقاء وأصحاب وزمايل وأهل وجيران وناس عادية، ممكن إنسان يترك عندك ذكري طيبة وبعد كدا ماتشوفهوش تاني خالص؛ وممكن إنسان يترك ليك ذكري سيئة، ويسبب لك المشاكل والخوف والقلق ويأذيك؛ الأول بتدعيله وبتتذكره بالخير حتي لو جاءت سيرته مع أحد؛ والثاني بتدعي عليه وبتقول ربنا ينتقم منه ولو قاعد مع أي حد بتقول عليه أنه كان سىء ، علشان كدا لوفكرت شوية هتلاقي أن أجدادنا الفراعنة  تركوا أثر حتي علي الورق " ورق البردي" وشيدوا عمارة مكتوب عليها تاريخ وحضارة المصريين؛ وتركوا حتي العلم علشان غيرهم يستفيد منه؛ مفكروش أبدا أنهم لو ما أخدوش ثمن ده مش هيعملوه ؛ لأ لأن كان هدفهم نبيل علشان كدا عاشوا لآلاف السنين وتركوا لنا قيمة كبيرة بنفتخر بيها في كل وقت ، علشان كدا فكر ؛ أنت شاب موهوب بتحب الإنترنت ومثقف ومتعلم، حاول تكتب ، أكتب قصص وأشغل وقتك بيها، نمي مهارة عقلك في أنك تستغل كل أفكارك وتشارك بيها الآخرين....

أحمد/ أنا فعلا بحب القصص أوي وبكتب من خلال مواضيع التعبير وكدا..بس أكتب إزاي ...وأكتب عن إيه...

وحيد/ يااااه ...، ده أنت كل يوم بيمر عليك ممكن تكتب عنه عشر قصص لمواقف بس حصلت مع أصدقائك..ومعارفك..وأسرتك....، أبدأ بذلك وأكتب بصدق كأنك بتحكي لشخص عزيز عليك أو صديقك مثلا......

أحمد/ يبقي كأني بحكي ليك أنت؛ لأنك بجد أعز إنسان عندي وليا؛ وعلي فكرة ماما بتسلم عليك وبتقولك عاجبها أوي آخر محتوياتك....

وحيد/ شكرا مانحرمشي منها، المهم فكر كدا يا أحمد خلال المرحلة إلي فاتت من عمرك إيه أكثر حاجة زعلتك مثلا أو فرحتك أو شعرت فيها بمشاعر جميلة أو حزينة أو مشاعر مختلفة ؛ وعلي فكرة يا أحمد خليك صادق " متفكرشي وتقول لو قلت كدا هيقولوا كذا...ولو قلت كدا هيقولوا كذااااا مثلا..." أوعي تخلي الأسلوب ده يتمكن منك؛ أكتب كل شىء جواك وعايز تقوله ، وبصراحة ومتعملش حساب لحد ؛ إلي يكلمك قوله أنا كنت صادق في إلي كتبته؛ ولو في أي شىء يتعلق بماما أو بابا سيبهولي وأنا هتكلم معاهم ،

أحمد/فعلا بابا وماما بيقولولي ياريت تكون صادق ذي وحيد دايما؛ أنا هكتب عن فترة كورونا والظروف الصعبة إلي مرينا بيها ؛ لأن فعلا الفترة دي مش قادرة تتمحي من دماغي؛ كان فيها مشاكل وخوف وظروف صعبة فعلا حولت حياتنا العادية الجميلة؛ إلي خوف مستمر وقلق ومشاكل ؛ لسة لحد دلوقتي لم تنتهي.....