الرسام وحيد نجيب قصة الفاتنة ليلي ٤ ( الأخير)

 

                                ( الفصل الرابع والأخير)

وحيد/ عارفة ياليلي ؛ الفن مش مجرد وسيلة للكسب والربح  الفن الحقيقي هو ثقافة شعب ؛ ثقافة إنسان يسيب بصمته زي بالظبط الإنسان مايترك ورث لأقاربه ؛ ومصر بالذات تاريخها عظيم في الفن ؛ شوفي إسماعيل يس ترك كم من الأعمال الفنية المضحكة بصدق وإخلاص، ورحل عن عالمنا ولحد اليوم أي حد يشوف عمل له يحبه ويضحك من قلبه ، لأنه كان صادق ، أم كلثوم فضلت حتي بعد الكبر في العمر تشدو وتغني وتفنن فن أصيل مصري من الأعماق وهي رحلت عن عالمنا لكن فنها لحد اليوم بيسعد الملايين ، عبد الحليم حافظ محمد عبد الوهاب صلاح ذو الفقار شادية وغيرهم ؛ كل هؤلاء لم يتركوا أموال وقصور وكنوز مادية ؛ ولكنهم تركوا آثار مصرية عظيمة سجل فيها كل شخص منهم أسلوبه وثقافته وهو بيوصل تعبير عن شىء ما؛ هو ده الفن الحقيقي ؛ لكن أتفسد فعلا لما أصبح وسيلة للمتاجرة وشركات تابعة لدول أصبحت تتاجر بالفن لمصالحها؛ أفسد فعلا والناس انفصلت عنه ، أحنا كلنا سعداء حاليا وبالأخص جيلي وكمان الجروب الخاص بينا سعداء بالإنترنت لأنه قدر يجعل الناس توثق حياتهم واهتماماتهم وثقافاتهم وتشارك الآخرين بلحظاتهم الحقيقية ، سواء صور أو فيديوهات أو تسجيلات أو غيره، فأصبح جسر من الثقافة ممتد بيوصل بين الجميع ،طبعا ده ضد مصالح الإعلام وشركات الإنتاج إلي هدفها الربح والكسب وبس ؛ وعلشان كدا بتحاول تمنع ده وتكره الناس في ده وعلشان كدا هي اتكرهت منا جميعا ، حتي الإعلام وشركات الإنتاج دي التابعة لأشخاص ودول أصبحت مرفوضة ومكروهة مننا جميعا ؛ لأنها بتفرض إرادتها بالاجبار والقوة والإرهاب وتنتهك حقوق أصيلة لنا، وبالاجبار والإرهاب والإجرام تفرض إرادتها علي الشعوب من أجل مصالحها، بالرغم أن الشعوب أبدت رفضها لهذا الفكر والسياسة ، ويكفي أننا نشرنا ذلك وعبرنا عن ذلك ..

ليلي/ وحيد بجد أنت كلامك أثر فيا ، ووجهة نظرك أثرت فيا أوي؛ أنت شايف شغلي إزاي ياوحيد بكل صراحة..

وحيد/ ياليلي أنتي صوتك بجد جميل وموهوبة ؛ بس هدفك هو الربح وممكن تشتغلي أي عمل مجرد بس هيجيب مشاهدات أو أموال، وده غير أسلوبي وهدفي، أنا مش بفرض عليكي أنك تغيري أسلوبك؛ ولكن كل واحد له طريقته وهدفه ، وأنا بعبر عن نفسي وبس وهدفي…

ليلي/ وحيد أنا بجد أتأثرت جدا بكلامك وفعلا كنت شاعرة أن شغلي مش مهم أوي ومش بيوصل رسالة ؛ عبارة عن وقت بيضيع في شىء جميل وخلاص؛ أنت كلامك أثر فيا وعايزة أغير طريقتي في الشغل……

وحيد/ خدي قرارك من جواكي ياليلي ؛ بس أتحملي نتيجة قرارك…..

ليلي/ وحيد أنا عارفة أنك عندك جروب للإنتاج وبتنتج شغلك كله من الألف إلي الياء بنفسك، أنا بجد قررت أغير أسلوبي واشتغل أعمال هادفة أكونمقتنعة برسالتها وانشرها من صفحاتي فقط ومواقعي وقناتي فقط، ومش هفكر من اليوم في أي مكاسب مادية ، إلا العمل إلي أقتنع بيه فقط……

( وبالفعل أقترح وحيد علي ليلي إسم شهرة ليعطي لها من أسمه كعضوة في الجروب ؛ وبعد عدد من الجلسات لمعرفة طبيعة ومساحات وخامة  وقدرات الصوت وأيضا تجاربها الماضية ؛ أنتج لها أغنية أنت حبي ونشرتها عبر الجروب الخاص بهم وعبر مواقعها ولاقت إستحسان المتذوقين الحقيقين الذين لا يعرفون المجاملة أو التهليل لأحد؛ وبدأت معه مشوار مستمر من الإنتاج الذي يعبر عنهم وليس من أجل المال وتحقيق الكسب والمشاهدات.